ఘంటశాల గొంతులో ఉన్న అదోరకమైన వర్ణనాతీతమైన దైవత్వం కేవలం కాలికో బైండు పుస్తకాల్లో భంధీగా ఉన్న ఆ శ్లోకాలకు రెక్కలు తొడిగిన మాట నిజమే. పండితుల రకరకాల ఉచ్చారణలతో నలిగిన ఆ శ్లోకాల ఉచ్చారణకు ఒక నిఘంటువుగా ఘంటశాల భగవద్గీత నిలిచింది.
ఉదయ పూర్వం చలిలీ మా రాములవారి గుడివీథి దాటి వెళ్తుంటే ఘంటశాల నోట ఆ శ్లోకాలు చెవి చేరుతుంటే నా కవి హృదయం ఈ భివియంతట శ్రీ కృష్ణుడ్ని ఊహించుకుని ఉర్రూతలూగేది. గీతలోని అహేతుకాలు, అవుట్ డేటడ్ డేటాలు అన్నీ నా బుర్రలోనుండి ఎగిరి పోయేవి.
ఇంతకీ లోపాలని శీర్షిక పెట్టి ఈ సొల్లేంటి అని మీరు విసుక్కుంటున్నారు కదా? పాయింటుకొస్తా!
నిజానికి నేను లేవనెత్తనున్న లోపానికి ఘంటశాల కారకులయ్యుండరని నా విశ్వాసం. గీత అన్నదే ఒక సంభాష్ణ. దానిని రికార్డు చెయ్యాలనుకున్నప్పుడు ఇద్దరు గాయకుల్ని ఏర్పాటు చేసి ఉండాలి.కృష్ణుడి పాత్రకు ఘంటశాల -అర్జునుని పాత్రకు మరో గాయకుడు.
అలాగే ఫలానా అద్యాయం ఫలానా శ్లోకాలు అన్న డేటాలను చెప్పడానికి మరో వ్యక్తి గొంతును వాడి ఉండాల్సింది.
ప్రస్తుతమున్న టెక్నాలజికి గీతను రీ రికార్డింగ్ చెయ్యడం చాలా తేలిక. ఎస్.పి.బాలసుబ్రమణ్యం ఈ పని చెయ్యొచ్చు. అర్జునుని వాయిస్ కు ఎస్.పి వాయిస్ సరిగ్గా సరిపోతుంది. డేటాలు చెప్పడానికి మరో బిగినర్ ఎవరినన్నా వాడుకోవచ్చు.
